Ümumi məlumat

1969-cu ildə Ağdam rayonunda anadan olmuşdur.
1976-1986-cı illərdə Ağdam rayonunda orta məktəbdə təhsil almışdır. 1987-1989-cu illərdə hərbi xidmətdə olmuşdur.

1991-1996-cı illərdə Bakı Dövlət Əmtəəşünaslıq-Kommersiya İnstitutunu fərqlənmə diplomu ilə bitirmişdir.
1993-1996-cı illərdə İnstitutun Tələbə Həmkarlar Təşkilatının sədri olmuşdur.

1996-2000-ci illərdə həmin İnstitutun “Kommersiya və reklam işi” kafedrasında assistent işləmişdir. 2000-ci ildən Azərbaycan Dövlət İqtisad Universitetinin “Kommersiya və reklam işi” kafedrasında baş müəllim işləmişdir. 2004-cü ildən “Marketinq” kafedrasında calışmışdır.

2007-ci ildə Azərbaycan Dövlət İqtisad Universitetində dissertasiya işini müvəffəqiyyətlə müdafiə edərək, İqtisad elmləri namizədi alimlik dərəcəsi almışdır.
2010-cu ildən Azərbaycan Dövlət İqtisad Universitetinin “Marketinq” kafedrasının dosentidir. 2012-ci ildən AzMEA-nın İqtisadiyyat İnstitutunda doktorantdır.

2004 – 2014-cü illərdə “Texnologiya və dizayn” fakültəsində dekan müavini vəzifəsində işləmişdir.
2014-cü ildən Azərbaycan Dövlət İqtisad Universitetinin Kommersiya fakültəsinin dekanı olub.
Hazırda Biznes və menecment fakültəsinin dekanıdır.

2015-ci ildə ABŞ Dövlət Departamentinin Beynəlxalq Liderlik Proqramında (Ali Təhsilin idarə edilməsi) iştirak edərək Beynəlxalq sertifikata layiq görülmüşdür.

Azərbaycan Respublikası Prezidentinin 24 sentyabr 2020-ci il tarixli Sərəncamı ilə Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə “Tərəqqi” medalı ilə təltif edilib.

50-dən çox elmi əsərin, o cümlədən monoqrafiya, dərs vəsaiti, metodik göstəriş və  dərs proqramının müəllifidir. 9 elmi məqaləsi beynəlxalq jurnallarda çap edilmişdir.
Ailəlidir, iki övladı var.