3 saylı tədris binası haqqında ümumi məlumat
Bakı şəhəri, Yasamal rayonu, M.Muxtarov küçəsi 194 ünvanında yerləşən 3 saylı tədris binası təhsilin müasir tələblər səviyyəsində təşkilinə cavab vermədiyinə və yararsız vəziyyətdə olduğuna görə müvafiq dövlət orqanlarına müraciət olunaraq sökülmüşdür.
UNEC-in qeyd olunan ünvanda, tədris korpusunun müasir standartlar səviyyəsində yenidən qurulması və həmin ərazinin abadlaşdırılması məqsədi ilə iki növbədə 3000 nəfər təhsilalanın tədrisinin təşkili üçün müasir tələblərə tam cavab verən yeni tədris binasının layihələndirməsi üçün müvafiq sahədə böyük təcrübəyə malik olan Türkiyənin "Erginoğlu&Çalışlar" şirkəti ilə müqavilə bağlanmışdır. Hazırda qeyd olunan ünvanda tikinti abadlıq işləri başa çatmış və bina istismara tam hazırdır. Yeni tədris binasında müasir tipli tədris laboratoriyaları, linqafon kabinetləri, kitabxana, konfrans və idman zalı kimi bölmələr mövcuddur.
Yeni binanın ümumi sahəsi 13196,2 m2 olmaqla 4 mərtəbədən, o cümlədən inzibati, pedaqoji və digər struktur bölmələr, xidmətlər və köməkçi sahələr üzrə otaqlar 7997,7 m2, auditoriyalar 2278,3 m2, kitabxana otağı 241,5 m2, yeməkxana 340,1 m2, mətbəx servisi 123,1 m2, restoran 127,4 m2, kafe 33,0 m2, idman zalı 418,3 m2, akt zalı 424,7 m2, müxtəlif təyinatlı laboratoriyalar 1208,1 m2, və tibb məntəqəsi 20 m2 sahədən ibarətdir.
.svg)
3 saylı tədris binasında idman zalı
3 saylı tədris binasında müasir tələblərə cavab verən, yüksək standartlar səviyyəsində, ən son model idman alətləri, inventar və texniki avadanlıqlarla təchiz edilmiş idman zalı qurulmuşdur. Burada, bir neçə idman növündə, o cümlədən, voleybol, basketbol və s. üçün nəzərdə tutulmuş idman növləri üzrə tədrisin təşkili üçün zəruri infrastruktur yaradılmışdır. Həmçinin, burada da idmanla məşğul olan əməkdaşların və təhsilalanların geyinib-soyunma otaqları və idmandan sonra yuyunmaq üçün oğlanlar və qızlar üçün xüsusi yuyunma otaqları təşkil edilmişdir.
3 saylı tədris binasında laboratoriyalar
UNEC-in 3 saylı tədris binasında yüksəkixtisaslı kadrların hazırlanması istiqamətində avadanlıq, cihaz və qurğularla tam təchiz olunmuş müasir tələblərə cavab verən 15 yeni tədris-metodiki laboratoriya yaradılmışdır.
- Qida texnologiyası tədris-metodiki laboratoriyası
- Qida mikrobiologiyası tədris-metodiki laboratoriyası
- Qida kimyası və biokimya tədris-metodiki laboratoriyası
- Fizika-1 (Mexanika və molekulyar fizika) tədris-metodiki laboratoriyası
- Fizika-2 (Elektromaqnetizm və optika) tədris-metodiki laboratoriyası
- Elektronika tədris-metodiki laboratoriyası
- Elektrotexnika tədris-metodiki laboratoriyası
- Kİmya-1 (Qeyri üzvi və analtik kimya) tədris-metodiki laboratoriyası
- Kimya-2 (Üzvi və fiziki kimya) tədris-metodiki laboratoriyası
- Maşın və sənaye mühəndisliyi tədris-metodiki laboratoriyası
- Ekologiya mühəndisliyi tədris-metodiki laboratoriyası
- Kommunikasiya sistemləri mühəndisliyi tədris-metodiki laboratoriyası
- Dizayn studio-1
- Dizayn studio-2
- Dizayn studio-3
Yuxarda adları sadalanan tədris-metodiki laboratoriyalardan 3-ü (Qıda kimyası və biokimya tədris-metodiki laboratoriyası; Qida texnologiyası tədris-metodiki laboratoriyası; Ekologiya mühəndisliyi tədris-metodiki laboratoriyası) "BP Exploration (Caspian Sea) Limited" şirkəti və Azərbaycan Dövlət İqtisad Universiteti (UNEC) arasında 16.03.2020- cü il tarixində bağlanmış Qrant müqaviləsi (№CW2201599) əsasında BP şirkətinin maliyyə dəstəyi ilə yaradılmışdır.
3 saylı tədris binasına necə getməli?
Bakı, Murtuza Muxtarov 194
(+99412) 492 59 03 / (+99412) 437 10 86