.svg)
“UNEC - 100” İnkişaf Strategiyasının hədəflərinə nail olmaq istiqamətində görülmüş işləri təhlil etmək, qarşıda duran əsas vəzifələri müəyyənləşdirmək və müzakirələr aparmaq məqsədilə UNEC rektorunun fakültə dekanları ilə görüşü keçirilib.
Görüşdə dekanlar təmsil etdikləri fakültələrdəki mövcud problemlərdən və onların həlli yollarından danışıblar, həmçinin yeni təkliflərlə çıxış ediblər.
"UNEC - 100” İnkişaf Strategiyasının hədəflərinə nail olmaq istiqamətində həyata keçirilən tədbirlərin uğurlu nəticələr verdiyi, kadr potensialının yüksəldiyi, təhsilalanlara nəzəri biliklə yanaşı, peşə kompetensiyalarını artıran fənlərin tədris olunduğu, magistratura pilləsində əmək bazarının tələblərinə uyğun yeni ixtisasların açıldığı və bu prosesin ilbəil təkmilləşdirildiyi diqqətə çatdırılıb. Bildirilib ki, UNEC-də tədrisin rəqəmsallaşması prosesində yeniliklər davam edir və yeni tədris ilindən bakalavrların imtahanlarının yazılı keçirilməsi üçün müvafiq proqram təminatı hazırlanır. Həmçinin texniki və texnoloji ixtisaslar üzrə praktiki dərslərin UNEC-in yeni tədris binasındakı müasir laboratoriyalarda tədris olunduğu, eləcə də maliyyə ixtisası üzrə təhsil alan tələbələr üçün Bloomberg maliyyə laboratoriyasının istifadəyə verildiyi qeyd edilib.
Görüşdə gənc müəllimlərin sayının daha da artırılması, dünyanın aparıcı universitetlərinin professorlarının tədrisə cəlb olunması, eləcə də əcnəbi tələbələrin UNEC-dəki payının artırılması, müəllimlərin peşə kompetensiyalarının yüksəldilməsi, mübadilə proqramlarında iştirakının təmin olunması və digər istiqamətlərdə işlərin davam etdirilməsinin əhəmiyyəti də müzakirə olunub.
https://news.unec.edu.az/xeber/125-universitet/8438-bold-red-unec-de-tedrisin-keyfiyyetinin-artirilmasi-prosesi-davam-edir-bold-red
