Ümumi məlumat

1 iyun 1987-ci ildə Bakı şəhərində anadan olub.

2005-ci ildə Azərbaycan Dövlət İqtisad Universitetinə qəbul olmuşdur.

2009-cu ildə “Standartlaşdırma və sertifikasiya” ixtisası üzrə bakalavr təhsilini fərqlənmə ilə bitirmişdir.

Təhsil aldığı müddətdə universitetin ictimai həyatında fəal iştirak etmiş, Tələbə Elmi Cəmiyyətinin sədri olmuşdur.

2009-2011-ci illərdə Azərbaycan Dövlət İqtisad Universitetinin “Standartlaşdırma və sertifikasiya” ixtisası üzrə magistratura təhsili almış və fərqlənmə diplomu ilə magistr dərəcəsi qazanmışdır.

2008-2013-cü illərdə Azmarketinq MMC marketinq üzrə mütəxəssis vəzifəsində çalışmışdır. 2008-ci ildə çap olunmuş “İngilis-azərbaycan dilində marketinq terminləri” lüğətinin redaktorudur. Marketinq tədqiqatları, rebrandinq, XXI əsr marketinqi mövzularında təlimlərdə iştirak etmişdir.

2013-2015-ci illərdə Müdafiə Sənayesi Nazirliyi Avia-Aqreqat MMC aparıcı mühasib vəzifəsində çalışmışdır.

2015-ci ildə UNEC-də təşkil edilən “Tyutor hazırlığı” kursunu yüksək nəticə ilə bitirmiş və  sertifikat almışdır.

2020-ci ildə UNEC-də təşkil edilən “Proktor sertifikat proqramını” müvəffəqiyyətlə başa vurmuşdur.

2022-ci ildə UNEC-də təşkil edilən “SOFTSKİLLS” təlimində iştirak etmiş və təlimi fərqlənmə sertifikatı ilə tamamlamışdır.

2015-ci ildən UNEC Qiyabi və Əlavə Təhsil Mərkəzində Tyutor vəzifəsində çalışır.

Ailəlidir. 2 övladı var.