Ümumi məlumat

9 dekabr 1953-cü ildə Abşeron rayonunun Altı-Ağac kəndində anadan olmuşdur.

1974-cü ildə Azərbaycan Xalq Təsərrüfatı İnstitutunu (indiki Azərbaycan Dövlət İqtısad Universitetini) bitirmişdir.

1993-cü ilədək təyinatla Azərbaycan Dövlət Plan Komitəsinin (indiki Azərbaycan Respublikası İqtısadi İnkişaf Nazirliyi) ET İqtisadiyyat İnstitutunda iqtisadçı, böyük elmi işçi, şöbə müdiri vəzifələrində işləmişdir.

1979-1982-ci illər ərzində Azərbaycan Dövlət İqtısad Universitetinin aspirantı olmuş, 1985-ci ildə namizədlik disertasiysını müdafiə etmişdir. İqtisad elmləri namizədidir.

1993-2001-ci illər ərzində Azərbaycan Respublikası Nazirlər Kabinetinin İqtisadiyyat və maliyyə siyasəti şöbəsində referent, Beynəlxalq iqtisadi əlaqələr şöbəsində böyük referent vəzifələrində çalışmışdır.

2001-ci ildən Azərbaycan Dövlət İqtısad Universitetinin “İqtisadiyyatın dövlət tənzimlənməsi” kafedrasında  baş müəllimi və 2007-ci ildən “İqtisadi hüquq” kafedrasının dosenti vəzifəsində çalışmışdır.

Hazırda UNEC-in “İqtisadiyyat” kafedrasının dosentidir.

20-dən artıq elmi-metodiki işin müəllifidir.

Evlidir, dörd övladı var.