Ümumi məlumat

1949-cu ildə Gürcüstanda anadan olmuşdur.

1970-ci ildə Azərbaycan Dövlət İqtisad İnstitutunun «Sənayenin iqtisadiyyatı» fakultəsini bitirmişdir.

İnstitutu bitirdikdən sonra laborant vəzifəsində çalışmışdır.

1974-cü ildə aspiranturanı bitirmiş və həmin ildə Azərbaycan Dövlət İqtisad İnstitutunun Elmi şurasında namizədlik (fəlsəfə doktoru) dissertasiyasını müdafiə etmişdir. 1983-cü ildən dosent elmi vəzifəsinin diplomunu almışdır.

1976-1983-cü illərdə Azərbaycan Dövlət Bədən Tərbiyəsi Akademiyasında baş müəllim və kafedra müdiri vəzifələrində işləmişdir. 1983-1987-ci illərdə Azərbaycan Texniki Universitetin «İqtisadi nəzəriyyə» kafedrasında dosent vəzifəsində çalışmışdır.
1987-ci ildən etibarən yenidən UNEC-də fəaliyyətə başlamışdır və müxtəlif dövrlərdə universitetin «Müəssisənin iqtisadiyyatı» kafedrasının dosenti və bu kafedranın müdiri vəzifəsində işləmişdir. 2000-2008-ci illərdə UNEC-in «İstehsal və xidmət sahələrinin iqtisadiyyatı» fakultəsinin dekanı vəzifəsini icra etmişdir. 2009-2014-cü illərdə «Marketinq» kafedrasının müdiri olmuşdur.

100-dən artıq elmi məqaləsi, tədris-metodiki və tərcümə olunmuş tədris vəsaitləri dərc olunmuşdur.

2020-ci ilə kimi UNEC-in «Müəssisənin iqtisadiyyatı» kafedrasının müdiri olub.

2019-cu ilin martında dosent Əli Hacıyevə UNEC-in Fəxri Professoru adı verilmişdir.

Hazırda UNEC-in “İqtisadiyyat” kafedrasının dosentidir.

Azərbaycan Respublikası Prezidentinin 24 sentyabr 2020-ci il tarixli Sərəncamı ilə Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə “Tərəqqi” medalı ilə təltif edilib.