Ümumi məlumat

1997-ci illərdə Azərbaycan Respublikası Nazirlər Kabineti Yanında Xalq Təsərrufatını İdarəetmə İnstitutunun bakalavr pilləsini Biznesin təşkili və idarəedilməsi ixtisası üzrə bitirmişdir. 2001-ci ildə Türkiyədə Gebze Yüksek Teknoloji Enistüsünün həmin ixtisasının magistr pilləsini bitirmişdir. 2006-2010-cu illərdə “NAB Şirkətlər Qrupunun” İnsan Resursları Komitəsində layihə rəhbəri vəzifəsində çalışmışdır. 1976-cı ildə anadan olmuşdur. 1983-1993-cü illərdə 88 saylı orta məktəbdə təhsil almışdır.

2001-ci ildən Azərbaycan Dövlət İqtisad Universitetinin “Biznesin idarə edilməsi” kafedrasında çalışır. 2007-ci ildə Azərbaycan Respublikası Dövlət Neft Şirkətinin Neft Emalı müəssisələrində əməyin ödənilməsinin təşkili və təkmilləşdirilməsi mövzusunda dissertasiya işini müdafiə edərək iqtisad elmlər namizədi elmi dərəcəsi almışdır. 2006-cı ildən Biznes inzibatçılığı kafedrasnın baş müəllimi vəzifəsində çalışır. 2012-ci ildən kafedranın dosentidir. İnsan Resurslarının İdarəedilməsi dərs vəsaitinin müəlliflərindən biridir. Bir çox Beynəlxalq Elmi-Praktik konfrans və seminarlarda iştirak etmişdir.*

Milli iqtisadiyyatın aktual problemlərinə aid 15-a qədər elmi əsərin, o cümlədən 5 kitab, monoqrafiya, dərslik və dərs vəsaitinin müəllifidir. 2012-ci ildən Azərbaycan Dövlət İqtisad Universitetində İSO 9001:2008 “Keyfiyyəti idarəetmə” sistemi üzrə baş auditordur.

2014-cü ilin aprelindən 10.09.2020-ci il tarixə kimi UNEC-in Doktorantura şöbəsinin müdiri vəzifəsində çalışmışdır. UNEC-in “İqtisadiyyat və idarəetmə” kafedrasının dosenti olub. Hazırda İqtisad və texnoloji elmlər kafedrasının dosentidir. 

10.09.2020-ci il tarixdən  24.01.2022-ci ilə kimi Elmi fəaliyyətin təşkili və idarə edilməsi departamentinin Elmi fəaliyyətin təşkili şöbəsinin müdiri vəzifəsində çalışıb.

Evlidir, iki övladı var.