Ümumi məlumat

14 avqust 1971-ci ildə Bakı şəhərində anadan olmuşdur.

1993-cü ildə «Tikintinin iqtisadiyyatı» ixtisası üzrə Azərbaycan İnşaat Mühəndisləri İnstitutunu (indiki Azərbaycan Memarlıq və İnşaat Universiteti) fərqlənmə diplomu ilə bitirmişdir.

1993-2002-ci ildə Azərbaycan Dövlət İqtisad Universitetində «İqtisadiyyatın tənzimlənməsi» kafedrasında laborant, 2002 -2007-ci illərdə 0.5 ştat müəllim, 2007-2013-cü ildə «Makroiqtisadi tənzimləmə» kafedrasında tam ştat  baş müəllim, 2013-2018-ci ildə «İqtisadiyyatın tənzimlənməsi» kafedrasında dosent vəsifəsində çalışmışdır, 2022-ci ildən isə  “İqtisadiyyat” kafedrasının dosentidir.

2004-cü ildə «Bazar münasibətləri şəraitində region təsərrüfatının kompleks inkişafı problemləri» mövzusunda 08.00.05 «Xalq təsərrüfatının iqtisadiyyatı və idarə edilməsi» (makrosəviyyədə) ixtisası üzrə iqtisad elmləri namizədlik dissertasiyasını müdafiə etmişdir.

2 dərslik, 6 proqram, 4 dərs vəsaiti, 1 metodik göstəriş, 33 elmi məqalənin, 12 tezis müəllifidir. 3 dərsliyin, 1lüğətin yazılmasında tərcüməsində iştirak edib.

2016-cı ilin dekabrında UNEC-dəki səmərəli elmi-pedaqoji və əmək fəaliyyətləri nəzərə alınaraq təşəkkür elan edilmişdir.