Ümumi məlumat

1978-ci ildə Dadaş Bünyatzadə adına Azərbaycan Xalq Təsərrüfatı İnstitutunun (indiki Azərbaycan Dövlət İqtisad Universiteti) “Xalq Təsərrüfatının Planlaşdırılması”  fakultəsinə daxil olmuş və oranı fərqlənmə diplomu ilə bitirmişdir.

“Xalq təsərrüfatının planlaşdırılması” fakultəsinin Elmi Şurasının tövsiyyəsi ilə 1985-ci ildə aspiranturanın əyani şöbəsinə daxil olmuş və “Xalq təsərrüfatının sosial-iqtisadi planlaşdırılması” kafedrasının aspirantı olmuşdur.

1988-ci ildə aspiranturanı bitirmiş və 1989-cu ildə indiki Sankt-Peterburq şəhərində, L.İ.Voznesenski adına Leninqrad Maliyyə-iqtisad institutunda namizədlik dissertasiyasını müdafiə etmişdir və “iqtisad elmləri namizədi” alimlik dərəcəsi almışdır.

1990 – 1995-ci illərdə Azərbaycan Dövlət İqtisad Universitetinin “Qiymətin əmələ gəlməsi” kafedrasının müəllimi, 1995 – 2000-ci illərdə kafedranın baş müəllimi işləmişdir.

2000-ci ildə Azərbaycan Respublikasının Ali Attestasiya Kommisiyasının qərarı ilə “dossent” elmi dərəcəsi almışdır.

2000-ci ildən “Qiymət və qiymətləndirmə” kafedrasının dossenti vəzifəsində, 2013-cü ildən etibarən kafedra müdirinin müavini vəzifəsində çalışmışdır.

2017-ci ilin sentyabrından Azərbaycan Dövlət İqtisad Universitetinin “Rus İqtisad Məktəbinin” “İqtisadiyyat” kafedrasında dossent vəzifəsində çalışır.

Ümumi iş stajı – 42 il; pedaqoji iş stajı – 36 ildir. Kompyuter biliyi: Microsoft Office (Word,  PowerPoint)& Internet  Explorer. Dil biliyi: azərbaycan, rus, alman.

65-dən artıq elmi əsərin: iki dərsliyin, beş dərs vəsaitlərinin, məqalələrin, proqramların, metodik vəsaitlərin müəllifidir. Bunlardan iki məqalə nüfuzlu elmi nəşr SCOPUS-bazasında  nəşr edilmişdir.

 Ailəlidir, iki övladı var.