Ümumi məlumat

 27 mart 1977-cı ildə Bakı şəhərində anadan olmuşdur. 

1999 –cü ildə  bakalavr, 2006-ci ildə isə Azərbaycan  Dövlət İqtisad Universitetinin  “Maliyyə” ixtisası üzrə magistr pilləsini fərqlənmə diplomu ilə bitirmiş və 2014-cü ildə “Valyuta tənzimlənməsinin  makroiqtisadi sabitliyin təmin olunmasında rolu” mövzusunda dissertasiya işini müdafiyə edərək, iqtisad üzrə fəlsəfə doktoru elmi dərəcəsini almışdır. 2019-cu ildən Azərbaycan Dövlət İqtisad Universitetinin elmlər doktoru proqramı çərçivəsində “Daxili fiskal siyasət və dövlət maliyyəsi” ixtisası üzrə doktorantıdır.

N.P.Aşurbəyli-Hüseynova  1 sentyabr 2013-cü ildən başlayaraq ADİU-nin“ “Bank işi” kafedrasında saat hesabı, 2015ci ildən- tam ştat müəllim,  2016- “Maliyyə və  maliyyə institutları” kafedrasında, 2018-ci ildən Rus İqtisad Məktəbində baş müəllim vəzifəsində çalışıb. 2022-ci ildən bu günüdək  kafedranın adının dəyişməsi ilə əlaqədar “Tədbiqi iqtisadiyyat” kafedrasının dosenti vəzifəsində  çalışır.

N.P.Aşurbəyli-Hüseynova dəfələrlə ölkə və beynəlxalq qurumlar tərəfindən təşkil edilmiş ixtisasartırma, hazırlıq və inkişaf proqramlarında iştirak etmişdir.

2021-ci ildən Beynəlxalq Magistratura və Doktorantura Mərkəzində “ Daxili fiskal siyasət və dövlət maliyyəsi” ixtisası üzrə imtahan  komissiyasının üzvüdür. 

Elmi-pedaqoji və xidməti fəaliyyət illərində universitetin elmi, tədris və ictimai tədbirlərində fəal iştirak etmişdir. Göstərdiyi fəaliyyətə görə rəhbərlik tərəfindən uzunmüddətli səmərəli elmi-pedaqoji fəaliyyətini nəzərə alaraq, “Müəllimlər günü” münasibəti ilə 05.10.2018ci il tarixli  899/3/2018 saylı Əmrə əsasən ona  təşəkkür bildirilmişdir.

“Azəravtoyol” ASC (Avtomobil yollarının saxlanması və inkişafına yonəldilən investisiyaların idarə edilməsi, 2017) və      “XALQ BANK”   (Kredit portfelinin diversifikasıyasının muasir istiqamətləri,2018) tərəfindən  təqdim olunmuş  Elmi-tədqiqat Layihələrində iştirak etmişdir.

Paris-Sorbonnne University Abu Dhabi tərəfindən təşkil olunmuş “İnteractive  Education in University Sistems”2016, Azərbaycan Respublikası Vergilər Nazirliyinin Tədris Mərkəzi  tərəfindən təşkil olunmuş   “ Vergi qanunvericiliyinin tədbiqi” 2017, PASHA Life ACADEMY  ,“Pasha Həyat Sığorta ” ASC   tərəfindən təşkil olunmuş  “Sığorta və sığorta mədəniyyəti ” mövzusunda keçirilmiş MASTER KLASS-da,  UNEC  &  CLARIVATE ANALYTICS “Web of Science” bazasından istifadə’  qaydaları üzrə  SEMİNAR-TRENİNGdə 2017, İstanbul Universiteti tərəfindən təşkil edilmiş “ Finansal Risk yönetimi” 2021, “Sabit gəlirli qiymətli kağızlar”, 2022, “ Soft Skils ”2022 və sair təlimlərdə iştirak edib, sertifikatlar əldə etmişdir.

Tədris etdiyi fənlər: Pul və Banklar, Bank işi, Maliyyə Bazarları, Beynəlxalq valyuta-kredit     münasibətləri və xarici ölkələrin pul-kredit sistemi, Tədiyə balansı, Maliyyə risklərinin idarəedilməsi

Ailəlidir. İki evladı var.