Ümumi məlumat

24.05.1976-cı ildə Gürcüstan Respub­likasının Marneuli rayonunun Qaçağan kəndində anadan olmuş və orta təhsilini həmin kənddəki məktəbdə almışdır.

1994-998-ci illərdə Azərbaycan Dövlət İqtisad İnstitu­tunun uçot-iqtisad fakultəsində mühasibat uçotu və audit ixtisası üzrə bakalavr və 1998-2000-ci illərdə Azərbaycan Dövlət İqtisad Universitetinin həmin ixtisas üzrə magistr ali təhsil mərhələsində təhsil almışdır.

2000-ci ildən 2018-ci ilədək Azərbaycan Elmi Tədqiqat Kənd Təsərrüfatının İqtisadiyyatı və Təşkili İnstitutunda (AzETKTİ və Tİ-da) işləmişdir. 2000-2001-ci illərdə AzETKTİ və Tİ-da «İstehsalın və əməyin stimullaşdırılması» şöbəsində baş iqtisadçı, 2001-2002-ci illərdə «Dağ rayonlarında istehsalın stimullaşdırılması» şöbə­sində baş elmi işçi, 2002-2003-cü ilədək «Aqrar sahənin dövlət tənzimlənməsi» şöbəsində böyük elmi işçi, 2003-2004-cü ilədək aparıcı elmi işçi, 2004-2005-ci ilədək böyük elmi işçi, 2006-cı ildən 02.05.2016-cı il tarixinədək şöbə müdiri vəzifəsində işləmişdir. 01.12.2011-ci il tarixindən Azərbaycan Dövlət İqtisad Universitetinin «Aqrar-sənaye müəssisələrinin iqtisadiyyatı və idarə edil­məsi» kafedrasında müəllim kimi pedaqoji fəaliyyətə keçdiyi üçün 0,5 ştat vahidi ilə şöbə müdiri vəzifəsi ona həvalə olunmuşdur. 2015-2019-cu illərdə «Müəssisənin iqtisadiyyatı» kafedrasında tam ştat dosent vəzifəsində işləyib. 2019-cu ildən indiyədək SOCAR-ın Baş Ofisində «İqtisadiyyat və Uçot» İdarəsində işləyir və eyni zamanda UNEC-də «İqtisadiyyat» kafedrasının 0,5 ştat dosentidir.

Nüfuzlu platformalarda indeksləşdirilmiş jurnallarda (Web of Scince və Scopus bazasında) əsərləri dərc olunub, beynəlxalq və respublika əhəmiyyətli elmi-nəzəri və praktik konfranslarda məruzələrlə çıxışları olub, o cümlədən 66 əsəri elmi-nəzəri jurnallarda, institutun elmi toplularında, konfransların materiallarında dərc edilib və 2 kitabın həmmüəllifidir. Gürcüstan Aqrar Elmlər Akademiyasının «Xəbərlər» jurnalının, o cümlədən Gürcüstanda «Aqrar iqtisadiyyat elmi və texnoloqiyaları» adlı beynəlxalq elmi-praktik jurnalın, eyni zamanda Kənd Təsərrüfatının İqtisadiyyatı Elmi-Tədqiqat İnstitutunun «Elmi əsərlər» (2019-cu ilədək) adlı məcmuəsinin redaksiya heyətinin üzvüdür.

Elmi hesabatların və digər elmi işlərin yerinə yetirilməsində, o cümlədən yüksək ixtisaslı kadrların, xüsusən də aspirant və dissertantların yetişdirilməsində iştirak edir (2 nəfərin elmi rəhbəri və 4 nəfərin rəsmi opponenti olub). Aqrar sahəyə dair bir çox beynəlxalq və yerli təşkilatların respublikada həyata keçirdikləri layihələr üzrə tövsiyə və təkliflər hazırlayıb.

27.12.2001-ci ildə AzETKTİ və Tİ-nun elmi şurasının qərarı nəiticəsində 08.00.05- «Xalq təsərrüfatının iqtisadiyyatı və idarə edilməsi (kənd təsərrüfatı)» ixtisası üzrə dissertant kimi elmi-tədqiqat işim təsdiq edilmişdir. 29. 06. 2006-cı ildə Azərbaycan Dövlət İqtisad Universitetində yaradılmış B/N dissertasiya şurasında iqtisad elmləri namizədi alimlik dərəcəsi almaq üçün «Azərbaycan Respublikasında aqromarke­tinqin təşkili problemləri» mövzusunda dissertasiya işini müdafiə edib. 30.01.2007-ci il tarixində Azərbaycan Respublikası Prezidenti yanında Ali Attestasiya Komissiyası tərəfindən mənə iqtisad elmləri namizədi alimlik dərəcəsi və 2013-cü ildə isə dosent elmi adı verilmişdir.

UNEC-də (D.02.051 Dissertasiya Şurasında) və Kənd Təsərrüfatının İqtisadiyyatı Elmi-Tədqiqat İnstitutunda (FD.04.014 Dissertasiya Şurasında) iqtisad üzrə fəlsəfə doktoru və iqtisad üzrə elmlər doktoru elmi dərəcəsi almaq üçün təqdim olunan dissertasiyaların müdafiəsini keçirən Dissertasiya Şuralarının nəzdində fəaliyyət göstərən elmi seminarın üzvü olub.

31 dekabr Dünya Azərbaycanlılarının Həmrəylik günü və Yeni il bayramı münasibətilə səmərəli elmi-pedoqoji və əmək fəaliyyətinə görə 28.12.2016-cı ildə UNEC rektorunun əmrinə əsasən «Fəxri Fərman»la təltif edilmişdir. Eyni zamanda 4.10.2017-ci ildə UNEC rektorunun əmri ilə uzun müddətli səmərəli elmi-pedaqoji fəaliyyətlərini nəzərə alaraq, «Müəllimlər günü» münasibətilə bir qrup müəllim mükafatlandırılaraq Q.B.Hacıyevə də «Təşəkkür» elan edilib.