Ümumi məlumat

12.02.1970-ci ildə Ordubad rayonunun Biləv kəndində anadan olub.

1986-cı ildə orta məktəbi, 1992-ci ildə Bakı Dövlət Universitetinin fizika fakültəsini bitirib.

1988-1989-cu illərdə Ordu sıralarında hərbi xidmıtdə olub.

1992-1995-ci illərdə Bakı Dövlət Universitetinin fizika fakültəsində əyani aspirant olub.
1996-cı ildən BDƏKİ-də, 2000-ci ildən Azərbaycan Dövlət İqtisad Universitetində çalışır.

1998-ci ildə namizədlik dissertasiyasını müdafiə edərək fizika-riyaziyyat elmləri namizədi alimlik dərəcəsi alıb. 2014- cü ildə doktorluq dissertasiya işini müdafiə edərək fizika üzrə elmlər doktoru alimlik dərəcəsi alıb. 2011-ci ildən 2020-ci ilə kimi UNEC-in “Fizika və kimya” kafedrasına rəhbərlik edib. 2020-ci ildən UNEC-in “Mühəndislik və tətbiqi elmlər” kafedrasının müdiridir.

160-dan artıq elmi əsərin, o cümlədən 25-i impakt faktorlu (xarici) jurnallarda olmaqla 65 məqalənin, 20-yə qədər Beynəlxalq (xarici) və 45-dən yuxarı Respublika səviyyəli konfrans materiallarının, 2 dərs vəsaitinin və 8 proqram və metodiki vəsaitin müəllifidir. Azərbaycan Respublikasının Təhsil Nazirliyinin fəxri fərmanı ilə təltif edilib.

Azərbaycan Respublikası Prezidentinin 24 sentyabr 2020-ci il Sərəncamına əsasən Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə “Əməkdar müəllim”  fəxri adına layiq görülmüşdür.

Ailəlidir, üç övladı var.