24-25 aprel 2020-ci il tarixlərində Azərbaycan-Fransız Universitetində ölkəmizin istedadlı gənclərinin potensialının üzə çıxarılmasına və təbliğinə xidmət edəcək ActlnSpace yarışması keçiriləcək.

ActlnSpace Fransız Kosmik Agentliyinin (CNES) təşəbbüsü ilə həyata keçirilən və 5 qitədə 100-ə qədər şəhəri birləşdirən beynəlxalq innovasiya müsabiqəsidir. Yarışmanın əsas məqsədi gəncləri daha böyük xəyallar qurmağa və gerçəkləşdirməyə sövq etmək, onlara sahibkarlıq ruhunu aşılamaq, geniş perspektivlərə malik kosmik sənaye sektorunun sosial-iqtisadi potensiala sahib olduğunu, gündəlik həyatımıza müsbət təsir imkanlarını göstərmək və startapların yaradılmasını təşviq etməkdir.

Qalib komandanın 2020-ci il 17-19 iyun tarixlərində Fransanın Tuluz şəhərində baş tutacaq Beynəlxalq final mərhələsində iştirakı UFAZ tərəfindən qarşılanacaq.

Müsabiqə ilə bağlı təqdimat UNEC-də 21.02.2020-ci il tarixində keçiriləcək.