IT Brains Academy və Azərbaycan Dövlət İqtisad Universitetinin (UNEC) birgə əməkdaşlığı ilə kibertəhlükəsizlik sahəsinə marağı olan tələbələr üçün “Cyber Brains” Bootcamp layihəsinə müraciət başlayır.

Layihənin məqsədi gənclərin özünüinkişafına, kibertəhlükəsizlik sahəsində təməl biliklərin öyrədilməsinə dəstək olmaq, eləcə də cəmiyyətdəki informasiya təhlükəsizliyinə riayət etikasını formalaşdırmaqdır.

Tədris Azərbaycan dilində, praktiki üsullar və real layihələr üzərində iş istiqamətində aparılacaq. Tədris müddəti həftədə 2 dəfə olmaqla, 12 dərsdən ibarətdir. Kursun sonunda iştirakçının nəticəsinə uyğun olaraq kateqoriyalı diplom veriləcək. Həmçinin beynəlxalq sertifikatlara hazırlıq məqsədilə kurs tərəfindən iştirakçılara karyera dəstəyi göstəriləcək.

Müraciət etmək istəyənlər CV-lərini [email protected] mail ünvanına göndərə bilərlər.

Müraciət üçün son tarix: 9 may.

Əlaqələndirici struktur: UNEC Karyera mərkəzi
Tel.: 1846 daxili 1132