Azərbaycan Dövlət İqtisad Universiteti kimya üzrə Nobel mükafatçısı, UNEC-in Fəxri doktoru Aziz Sancar adına tədqiqat mükafatı elan edir!

Mükafat UNEC-də yüksək keyfiyyətli tədqiqat fəaliyyətlərini dəstəkləmək və akademik heyəti bu istiqamətdə stimullaşdırmaq məqsədi ilə təsis olunub.

Müsabiqəyə UNEC əməkdaşlarının aşağıdakı sahələr üzrə dərc edilmiş elmi məqalələri qəbul edilir:

• Qida təhlükəsziliyi
• Qida Elmləri və Texnologiyası
• Biokimya
• Mikrobiologya
• Biotexnologiya

Mükafat fondu 10.000 (on min) manat məbləğində pul və diplomdan ibarətdir. Müsabiqə ildə bir dəfə keçirilir və 1 elmi əsərə görə olan müəllifə (müəlliflərə) verilir. Əsərin 1-dən çox müəllifi olduğu halda, pul mükafatı onlar arasında bərabər şəkildə bölünür.

Müsabiqənin şərtləri:

• Mükafata cari tədris ilində nəşr edilmiş və aşağıdakı tələblərdən birinə cavab verən əsərlər təqdim edilə bilər:
• WASS-SENSE reytinqində A və ya B kateqoriyalı nəşriyyatlarda nəşr edilmiş monoqrafiyalar (elmi redaktoru olan, bölmələri müxtəlif müəlliflər tərəfindən yazılan kollektiv monoqrafiyalar da daxil olmaqla).
• Web of Science bazasında Q1və Q2 kateqoriyalı elmi nəşrlərdə dərc edilmiş elmi məqalələr;
• Müsabiqə üçün təqdim edilən əsərlərdən elmi jurnala qəbul edilmiş və ya çap olunmaq üçün hazırlıq mərhələsində olan elmi işlər qəbul olunmayacaq;
• Müsabiqəyə təqdim edilən əsərlərdə müəllifin və ya müəlliflərin UNEC əməkdaşı olması birmənalı olaraq qeyd olunmalıdır. Əks halda, əsər müsabiqəyə buraxılmayacaq.

Müsabiqədə iştirak üçün müraciətlər 1 iyundan - 30 iyunadək tarixinədək qəbul edilir.

Tələb olunan sənədlər:

• UNEC rektorunun adına ƏRİZƏ
• Ərizəyə əlavələr;
• ANKET
• Müsabiqəyə təqdim edilən əsərin kağız və elektron nüsxələri;
• Müsabiqəyə verilən məqalələrin Q1, və Q2 kateqoriyalı jurnala aid olmasının təsdiqedici sənədi (Web of Science platformasından uyğun hiperlinklərin yerləşdirilməsi);
• Elmi işin nəşr olunduğuna dair rəsmi internet linkləri;

Mükafata təqdim edilən əsərlər Müsabiqə Komissiyası tərəfindən müvafiq meyarlar əsasında qiymətləndiriləcək.

Müsabiqədə iştirak etmək üçün tələb olunan bütün sənədlər elektron formada  [email protected] e-mail ünvanına göndərilməlidir. Sənədləri göndərərkən e-mailin “mövzu” bölməsinə “Aziz Sancar adına Tədqiqat Mükafatı-2023 – ad, soyad” qeyd olunmalıdır.

Müsabiqə ilə bağlı müraciətləri [email protected] e-mailinə ünvanlaya bilərsiniz.